“АРХИВЫН ЕРӨНХИЙ ГАЗРЫН ШИНЭ ЦОГЦОЛБОР БАРИЛГЫН ТОНОГ, ТӨХӨӨРӨМЖ, ТЕХНИК ХЭРЭГСЛИЙН ХАНГАЛТ ТӨСӨЛ”-ИЙН ГЭРЭЭНД ГАРЫН ҮСЭГ ЗУРЛАА

           Монгол Улсын Засгийн газар, Бүгд Найрамдах Солонгос Улс /БНСУ/-ын Засгийн газартай байгуулсан 700 сая ам.долларын хөнгөлөлттэй зээл авах тухай Ерөнхий хэлэлцээрийн хүрээнд “Архивын ерөнхий газрын цогцолбор барилгын тоног төхөөрөмж, техник хэрэгслийн хангалт төсөл”- ийг хэрэгжүүлэхэд шаардлагатай 19 сая ам.долларын хөнгөлөлттэй зээлийн гэрээнд Монгол Улсын Засгийн газрыг төлөөлж Сангийн сайд Ч.Хүрэлбаатар, БНСУ-ын Засгийн газрыг төлөөлж тус улсын Экспорт-Импорт банкны Зээл хариуцсан гүйцэтгэх захирал, ноён Шин Дог Юн нар өнөөдөр /2019.07.05/ гарын үсэг зурлаа.

 
 
Төслийн хүрээнд Үндэсний төв архивын баримтат өвийг найдвартай урт хугацаанд хадгалах, архивын үйл ажиллагаа болон иргэдэд мэдээлэл хүргэх үйлчилгээг сайжруулах зорилгоор  архивын баримтыг хадгалах, сэлбэн засах, сэргээх, кино, гэрэл зураг, дуу авианы баримтыг хадгалах нөхцөлийг бүрдүүлэх, тэдгээрийг цахим хэлбэрт шилжүүлэх, архивын баримтыг микрофильмд шилжүүлэхэд шаардлагатай тоног төхөөрөмжийг нийлүүлэх, суурилуулах зэрэг ажлуудыг хийнэ. 
 

Хэрэглэгч танд

Өргөдөл гомдол

Онлайн лавлагаа авах

Онлайн захиалга

Лавлах утас 1800-1205

Facebook